«Адалдық адамдықтың белгісі» тақырыбында бірыңғай сынып сағаттары өткізілді.

Адам баласының бойында жақсы да, жаман да қасиеттер болады екен. Бізге ақылдылықты, адалдықты, қарапайым - кішіпейілділікті, инабаттылықты, шыншылдықты үлкендер үйретеді.
Ол - біздің ата - анамыз, ақсүтін бере отырып, ана тілімен үйретеді. Біз оны түсініп, ата - баба салт, әдеттерін үйренеміз. Адам болатын адамгершілігі бар бала - барлық жақсы қасиеттерді үйреніп, жаман мінез әдеттерден, ұнамсыз қылықтардан аулақ болуға тырысуы керек. Адамның адамгершілік, адалдық, саналылық дәрежесі – оның тәртібі мен іс - әрекетін анықтайтыны әлдеқашан дәлелденген.
Оқушыларға адалдық, парасаттылық, шындық туралы түсініктерін кеңейту,оқушыларды адалдыққа, шыншылдыққа тәрбиелеу, жат әдеттерден аулақ жүруге үйрету,оқушылардың адамгершілік қасиетін, бір-біріне деген достық сезімдерін нығайту,оқушылардың бойына рухани адамгершілік қасиеттерді ұялату үшін мейірбан, ақылды, шыншыл, қайырымды т. б адамдық асыл қасиеттерді игеруге ықпал ету,мақсатында,2022 жылдың 5 қыркүйек күні, Сейфуллин орта мектебінде «Адалдық адамдықтың белгісі» тақырыбында бірыңғай сынып сағаттары өткізілді.